Kæra fólk sem les þetta blogg. Ég óska ykkur gleðilegrar hátíðar og notalegheita á jólunum, hvar sem þið kunnið að vera stödd í heiminum. Sjálf mun ég verða í Hellested rétt fyrir utan Köge á aðfangadagskvöld, og svo í faðmi sjálfrar míns hina dagana. Einhvern tímann hlýtur sérhver manneskja að upplifa jólin ein sín liðs, og nú er komið að því hjá mér. Reyndar verð ég nú hjá vinkonu minni og hennar eldhressu fjölskyldu annað kvöld, svo það eru bara hinir dagarnir sem ég verð ein að dúlla mér. Til allrar hamingju á ég bæði sjónvarp og tölvu og bý að nettengingu og ég veit ekki hvað mörgum sjónvarpsstöðvum, svo þetta blessast eflaust.
Gleðileg jól.